புலம்பெயர்ந்து கலிஃபோர்னியாவில் வாழும் குழந்தைகளுக்கு தமிழ் மொழியையும் தமிழ் பண்பாட்டையும் கற்றுத்தர ஆரம்பிக்கப்பட்ட, கலிஃபோர்னியா தமிழ்க் கழகம் இப்பொழுது உலகமுழுதும் பரவி, உலகத் தமிழ்க்கல்விக் கழகம் எனச் செயல்பட்டு வருகிறது.
California Tamil Academy founded to teach Tamil language and Tamil culture to diaspora Tamil children in California is now spread all over the world as International Tamil Academy
உயர்நிலைப் பள்ளிக்கான தமிழ் வகுப்புகள் (HSCP)
தமிழ்மொழி, இலக்கண, இலக்கிய, வரலாற்று அடிப்படை கொண்ட உலகின் மிகப் பழமையானதொரு மொழி. தமிழ், உலகின் பல நாடுகளின் பேசப்படும் மொழியாக இருந்து வருகிறது. உலகின் பல்வேறு பல்கலைக் கழகங்களில் தமிழ் இருக்கைகளும், ஆராய்ச்சி துறைகளும் இயங்கிவருகின்றன.
கலிஃபோர்னியாவில் 20 ஆண்டுகளுக்கு முன், புலம்பெயர்ந்து அமெரிக்காவில் வாழும் குழந்தைகளுக்கும், இளைஞர்களுக்கும் தமிழ் மொழி கற்றுத் தரும் நோக்கத்துடன் தொடங்கப்பட்ட கலிஃபோர்னியா தமிழ்க் கல்விக்கழகம், தற்போது உலகம் முழுதும் பல நாடுகளில் கிளைகளுடன் வளர்ந்து உலகத் தமிழ்க் கல்விக்கழகமாக விளங்கி வருகிறது.
மழலையர் வகுப்பு முதல் ஏழாம் வகுப்பு வரை தமிழ் வகுப்புகளை சிறப்பாக நடத்திவரும் இக்கழகம், சான் ஃபிரான்சிஸ்கோ வளைகுடா பகுதியில் உள்ள உயர்நிலைப் பள்ளியில் படிக்கும் மாணவர்கள் பயன் பெறும் வகையில் சிறப்பு வகுப்புகளையும் கடந்த 12 வருடங்களாக நடத்தி வருகிறது.
அமெரிக்க பள்ளிகளில் படிக்கும் மாணவர்கள் உயர்நிலைப்பள்ளியில் தேர்ச்சி பெற, ஒரு உலக மொழி பாடத்தில் ஒன்று அல்லது இரண்டு வருடங்கள் படிக்கவேண்டும். மேலும் பல்கலைக்கழகங்களில் சேர இரண்டு அல்லது மூன்று வருட உலக மொழி பாடம் பயின்று தேர்ச்சி பெற்றிருக்க வேண்டும் என்ற தேவை உள்ளது. இதுநாள் வரை பள்ளியில் கற்பித்து வந்த பிரஞ்சு போன்ற உலகமொழி பாடங்களை மட்டுமே படிக்கும் வாய்ப்பு இருந்து வந்தது.
இந்நிலையில் சான் ஃபிரான்சிஸ்கோ வளைகுடா பகுதியில் படிக்கும் மாணவர்கள் உலக மொழியாக தமிழையும் கற்கும் வாய்ப்பை உலகத்தமிழ்க் கல்விக்கழகம் ஏற்படுத்திக் கொடுத்துள்ளது. இந்த வாய்ப்பினால் தமிழ் படிக்கும் மாணவர்கள் தங்கள் தாய் மொழியை படிப்பதோடு, உயர்நிலை பள்ளியின் தேவையையும் பூர்த்தி செய்யும் வாய்ப்பையும் பெற்றுள்ளனர். இந்த உயர்நிலைப் பள்ளிக்கான வகுப்புகள், சான் ஃபிரான்சிஸ்கோ வளைகுடாப் பகுதியிலுள்ள சில பள்ளி நிர்வாகங்களில் அங்கீகாரத்துடன் நடந்துவருகிறது. மேலும் சில பள்ளி நிர்வாகங்களில் அங்கீகாரத்தை பெறவும் திட்டமுள்ளது.
தமிழ் 1, தமிழ் 2, தமிழ் 3 & தமிழ் 4 என நான்கு நிலைகளில் நான்கு வருடப்படிப்பாக, உலக மொழிப்பாடமாக தமிழ் கற்பிக்கப்படுகிறது. பிரஞ்சு போன்ற மற்ற உலக மொழி பாடத்திற்கு பதிலாக தமிழை உலக மொழி பாடமாக படிக்க, இந்த சிறப்பு வகுப்புகள் உதவுகின்றன. பள்ளியில் மாணவர்களுக்கு வழங்கப்படும் சான்றிதழ்களில் தமிழ் மதிப்பெண்களும் சேர்க்கப்படுகின்றன.
மேலும் விவரங்கள் High School Credit Program பக்கத்தில் கொடுக்கப்பட்டுள்ளன.
